Таван цэгт байрлах агаарын чанар хэмжигчийн сүлжээний гэмтлийг засварлаж байна

Нийслэлийн таван цэгт байрлах агаарын чанарын тоон харуулын мэдээлэл энэ сарын 4-нөөс хойш шинэчлэгдээгүй байна. 

Тодруулбал агаарын бохирдол ихтэй Баянхошуу, Толгойт, МҮОНРТ болон Нисэх, Мишээл экспод байрлах суурин харуулын мэдээлэл гарахгүй байгаа юм. 

Энэ талаар Нийслэлийн агаарын бохирдлыг бууруулах газрын Агаарын чанарын хяналтын хэлтсээс тодруулахад сүлжээний гэмтэл гарсан гэв. Гэмтлийг засварлаж буй бөгөөд долоо хоногийн дараа хэвийн ажиллаж эхлэх юм байна.